დონალდ ტრამპი ირანთან ომის დასრულებულად გამოცხადების შესაძლებლობას განიხილავს

ერთ-ერთი გამოცემის ინფორმაციით, აშშ-ის პრეზიდენტი დონალდ ტრამპი თანაშემწეებთან პირად საუბრებში განიხილავს „გამოაცხადოს თუ არა ირანთან ომი დასრულებულად“, მიუხედავად იმისა, რომ მიმდინარე კვირაში აშშ-მა და ირანმა ახლო აღმოსავლეთში ცეცხლი გაცვალეს.

წყაროების თქმით, ტრამპი აღნიშნულ ნაბიჯს მხარს უჭერს და მიაჩნია, რომ ეკონომიკური ზეწოლა ირანს „ბირთვული პროგრამის გაუქმებას“ აიძულებს.

გამოცემა წერს, რომ პირადი საუბრების მიუხედავად, პენტაგონი ახლო აღმოსავლეთში სამხედრო ძალების დარჩენის დროს 2027 წლამდე ახანგრძლივებს.

ამჟამად აშშ-ს ახლო აღმოსავლეთში 50000 სამხედრო მოსამსახურე, 19 სამხედრო გემი, 2 ავიამზიდი და 13 საესკადრო ნაღმოსანი ჰყავს განლაგებული.