ბაქო-თბილისი-ბაქოს მატარებლის ბილეთების გაყიდვის პერიოდი 90 დღემდე გაიზარდა

ბაქო-თბილისი-ბაქოს მატარებლის ბილეთების გაყიდვის აქტიური პერიოდი 30-დან 90 დღემდე გაიზრდება. ამის შესახებ აზერბაიჯანის მგზავრთა გადაყვანის დეპარტამენტის ხელმძღვანელმა აზერ ფარაჯოვმა განაცხადა.
მისი თქმით, აზერბაიჯანის რკინიგზაში ბილეთების გაყიდვა ხორციელდება როგორც ონლაინ, ასევე რკინიგზის ბილეთების სალაროებში.
აზერ ფარაჯოვის განცხადებით, ამჟამად, ბაქო-თბილისი-ბაქოს მარშრუტზე მაღალი მოთხოვნის გამო, ბილეთები მოკლე დროში იყიდება. მგზავრთა მოთხოვნის დასაკმაყოფილებლად, 11 ივნისიდან ბაქო-თბილისი-ბაქოს მარშრუტზე მატარებლებს დაემატა დამატებითი ვაგონი და შესაბამისად, ახალი ბილეთები უკვე გაყიდვაშია.