By
შეჯიბრება – ვეტერანებს შორის
აჭარის ჭადრაკის ფედერაციის ორგანიზებითა და სპორტის დეპარტამენტის ფინანსური მხარდაჭერით, გაიმართა „ბათუმის თასი“ ჭადრაკში ვეტერანთა შორის.
ღონისძიებას სასტუმრო „იბი სტაილს ბათუმი“ მასპინძლობდა.
ვაჟთა ტურნირი წრიული სისტემით, 7 ტურად, ქალთა კი შვეიცარიული სისტემით, ასევე შვიდ ტურად ჩატარდა.
ვაჟთა შორის ბადრი ბოლქვაძემ გაიმარჯვა, მეორე ადგილზე ზურაბ ზაქარიაძე გავიდა, მესამეზე – ჯუმბერ ზოიძე.
ქალთა შორის პირველი ადგილი მარინე აროშიძემ დაისაკუთრა, მეორე – ლიანა თედორაძემ, მესამე – თამარ ხოზრევანიძემ.
პრიზიორები, როგორც ვაჟთა, ისე ქალთა შორის, მედლით, დიპლომითა და ფასიანი საჩუქრით დაჯილდოვდნენ, ჩემპიონებს კი, ასევე, თასი გადაეცათ.
მანანა ძიძიშვილი