By
მემორანდუმი გაფორმდა
ბათუმის სახელმწიფო საზღვაო აკადემიასა და აჭარის კულტურის სამინისტროს შორის ურთიერთთანამშრომლობის მემორანდუმი გაფორმდა. ინფორმაციას ბათუმის სახელმწიფო საზღვაო აკადემია ავრცელებს.
უწყების ცნობით, მემორანდუმი მიზნად ისახავს კვლევითი საგანმანათლებლო ღონისძიებების, კულტურული და შემოქმედებითი აქტივობების ჩატარებას. აღსანიშნავია, რომ განსაკუთრებული ყურადღება დაეთმობა ახალგაზრდების ჩართულობასა და პროფესიული ზრდის ხელშეწყობას.
შეხვედრის ფარგლებში, საზღვაო აკადემიის რექტორმა მურთაზ დევაძემ და რექტორის მრჩეველმა შოთა კაკაბაძემ აჭარის კულტურის მინისტრ ელისო ბოლქვაძეს საზღვაო აკადემიის ინფრასტრუქტურა და მოქმედი საგანმანათლებლო პროგრამები გააცნეს.