ევროკავშირმა რუსეთს სანქციები გაუხანგრძლივა

ევროკავშირის უმაღლესი წარმომადგენლის საგარეო საქმეთა და უსაფრთხოების საკითხებში კაია კალასის განცხადებით, ევროკავშირი დღეს ოფიციალურად შეთანხმდა, რომ რუსეთის წინააღმდეგ სექტორული სანქციები 2026 წლის 31 იანვრამდე გახანგრძლივდეს.
კაია კალასის ინფორმაციით, ევროკავშირი გააგრძელებს რუსეთზე ზეწოლის გაძლიერებას, რათა მას უკრაინის წინააღმდეგ ომის დასრულება აიძულოს.
„თითოეული სანქცია ასუსტებს რუსეთის ომის წარმოების უნარს“, – თქვა კალასმა.
უკრაინული მედიის ინფორმაციით, ევროკავშირის 27-ვე ქვეყანამ ხელი მოაწერა დოკუმენტს სექტორული სანქციების ექვსი თვით გახანგრძლივების შესახებ.