ბათუმმა კონფერენციას უმასპინძლა

ბათუმში, ძეგლებისა და ღირსშესანიშნავი ადგილების საერთაშორისო დღესთან დაკავშირებით, აჭარის კულტურული მემკვიდრეობის დაცვის სააგენტოს ორგანიზებით, კონფერენცია გაიმართა.
ღონისძიებას ბათუმის ვიცე-მერი ნუკრი დეკანაძე დაესწრო, რომელმაც საზოგადოებას სიტყვით მიმართა. ვიცე-მერმა ხაზი გაუსვა იმ ფასეულობებს, რაც ჩვენს ქალაქს გააჩნია ისტორიული, კულტურული და არქიტექტურული მემკვიდრეობის სახით, ასევე, ისაუბრა ბოლო წლების განმავლობაში ბათუმის მუნიციპალიტეტის აქტიურ ჩართულობაზე კულტურული მემკვიდრეობის დაცვისა და აღდგენის პროცესში.